طريقه تثبيت وزن الجسم بعد الرجيم - المرحله الأولي للتثبيت


بقلم : محمد طاهر
... بسم الله الرحمن الرحيم ...

شوفوا هنا هنشرح طريقه تثبيت وزن الجسم بعد الرجيم وهي مكونه من 4 مراحل تدريجيه .


نظام المرحلة الأولي من تثبيت الوزن :

أحنا هنقول مثلا أن وززنا بعد الرجيم طلع 70 كيلو وعوزين نثبت علي الوزن ده , يبقي علشان نثبت على ال70 كيلو نحاول الأول ننزل 2 كيلو كمان ونوصل ل68 كيلو لأن خلال مرحلة التثبيت ممكن الجسم يزيد من كيلو ل أثنين كيلو وده طبيعي جدا لأننا كنا ضاغطين على الجسم بشكل كبير وبالتالى محتاجين نريحه بهدوء واحده واحده , عشان كده بنمشي 14 يوم متصلين على نظام المرحله الأولي و هي تشبه الأسبوع الأول من الرجيم لاكن مع بعض الأختلاف فمثلا النشويات فى الفطار والغدا هناكل فيهم ضعف الكمية بحد أقصى , يعني مثلا بدل كنا بناكل ربع رغيف عيش بلدي في الأسبوع الأول للتخسيس هيكون نص رغيف في مرحله التثبيت وبدل 3 ملاعق مكرونه نخليهم 6 وهكذا , وده بهدف ترييح الجسم حبه حبه , بعد ما هنخلص ال14 يوم نروح نوزن نفسنا , لو طلع وزننا ثابت أو زاد حاجه بسيطه من 1 ل 2 كيلو يبقي كده نخش على المرحلة التانيه أما لو لقينا نفسنا خسينا نعيد ال14 يوم تاني وده غالبا مابيحصلش. .


نبدأ علي بركة الله :

الفــــــــــــــــــــطـــــــــــــــــــــــــــــــــار :
بينقسم إلي اكتر من إختيار كالأتي أختار واحد منهم :

- نص رغيف عيش بلدي أو رغيفين عيش سن + 8 ملاعق فول زيت خفيف أو سمن خفيف وملح خفيف .
أو
- نص رغيف عيش بلدي أو رغيفين عيش سن + 2 بيضه مسلوقة .
أو
- نص رغيف عيش بلدي أو رغيفين عيش سن + طبق جبنه أريش + سلطه .
أو
- ثمره فاكهه واحده تختار تفاح أو كيوي أو برتقال أو كمثري + كوبايه شاي بحليب خالي الدسم .
أو
- كوبايتين لبن خالي الدسم .
أو
- 2 كوبايه زبادي خاليه الدسم .



الـــــــــــــــــــــــغــــــــــــــــــــــــــــــــــدا
بيتقسم إلي 4 أقسام , نشويات و بروتين وخضار و فاكهه , تختر نوع واحد من كل تصنيف .
نشويات بروتين خضار وسلطه فاكهه
1- نص رغيف عيش بلدي أو رغيفين عيش سن .
أو
2- أرز عادي كميه 6 ملاعق.
أو
3- مكرونه عاديه كميه 6 ملاعق .

1- نص فرخه مشوية أو مسلوقة بدون جلد .
أو
2- شريحة لحمه حمرا مشوية أو مسلوقة بدون دهن .
أو
3- سمكه مشوية أو علبتين تونة .
أو
4- بيضتين مسلوقين
1- خضار مسلوق مثلا كوسة أو فاصوليا خضرا .
أو
2- بتنجانه مشوية .
تفاحتين أو برتقالتين أو عصير أناناس



الـــــــــــــــــــعـــــــــــــــــــــشــــــــــــــــــــا
أختار نوع واحد بس .
1- نص رغيف عيش بلدي أو رغيفين عيش سن طبق + جبنه أريش + سلطه .
أو
2- عدد 2 ثمره فاكهه .
أو
3-كوب لبن خالي الدسم .
أو
4- علبتين زبادي خالي الدسم .

تمت بحمد الله

أنتقل إلي المرحله الثانيه من تثبيت الوزن

للعلم المعلومات دي انا قرأتها علي النت وجربتها علي ناس أعرفها وجابت نتيجه فقمت بعمل إعاده صياغه للموضوع بطريقتي الخاصه وحفاظا علي مجهود صاحب الطريقه وعدم تضييع حقه هنا رابط فيديو الموضوع الاساسي رابط الموضوع الاصلي من تثبيت الوزن

هذا الموضوع خاص بمدونة الحبوني , يمكنك نقل أي موضوع من المدونة بشرط ذكر المصدر وذكر رابط الموضوع الأصلي .


رجيم للتخسيس إذا كنت تعاني من السمنه فعليك
بإتباع هذه الوصفات لتتجنب السمنه وتقليل الوزن .

الطرق السليمة لوقاية أسنانك لتجنب حدوث تسوس بأسنانك
يجب أن تتبع بعض النصائح
طرق وفنون التعامل مع الاخرين كيف تتعامل مع مختلف الطبقات ومختلف
الشخصيات سواء العصبي أو المغرور وغيرهم

الطفل والورقة البيضاء كيفية تعليم طفلك من البداية لكي
تتجنب مشاكل العناد حين يكبر

0 التعليقات:

المتواجدون

  © Blogger template Foam by Ourblogtemplates.com تم تعديل التصميم بواسطة محمد طاهر

إذهب إلي أعلي الصفحة   

سياسة الخصوصية