الثلاثاء، 24 مايو، 2016

طريقه للتخسيس طبيعيه ومضمونة بإذن الله و عن تجربه - 18 اسبوع


تمهيد , لازم تقرأ السطور التاليه بعنايعه شديدة

بقلم : محمد طاهر
... بسم الله الرحمن الرحيم ...
عوز تخس ؟
ان شاء الله هتخس لكن عليك انك تنفذ التعليمات بحزافيرها وسيب الباقي علي ربنا , هنا لازم تقرا الموضوع الاول عشان تعرف ازاي تخس وفي اخر الموضوع هتلاقي رابط النظام الغذائي لكن اعرف الاول اواي بتخس اصلا .

أولا نصيحة لكل واحد بيعاني من أي أمراض لا انصح بإتباع أي حميه إلا تحت إشراف دكتور ,
أكيد طبعا هتسأل وتقولي طيب لما أنت خايف كده من الطريقه بتاعتك بتعرضها علينا ليه ؟
سؤال ممتاز وإجابته كالأتي .
شوفوا أنا جربتها علي ناس مش مرضي وجابت نتيجة لكن مجربتهاش مع حد مريض قبل كده , يبقي الكلام بتاعنا للجماعة اللي مش بيعانو من أي مرض مزمن ,
لان علي سبيل المثال بعض المرضي ليهم غذاء معين مينفعش نمنعو من أكل معين أو نخليهم ياكلو أطعمه معينه لان ممكن تضرهم عشان كده الطريقه دي مفيدة جدا لغير المرضي . والطريقة دي الوحيدة اللي جابت نتيجة ملموسة معانا بعد عناء البحث عن طريقه للتخسيس .
تعليمات مهمه جدا :
أولا الطريقه مش مكلفه ماديا وبسيطة
- الطريقة بتاخد 18 أسبوع كل أسبوع ليه نظام معين في الأكل بدون ادويه وبدون تمارين .
- ان كنت عوز تخس 20 كيل في اليوم والكلام اللي بنسمعه ده يبقي انت بتوهم نفسك والكلام ده غلط في غلط لان الجسم بطبيعته اذكي مني ومنك واحنا هنا معدلنا من 3 إلي 5 كيلو في الشهر وهو ده الاسلوب الطبيعي اللي ما يسببش ضرر للجسم .
- لازم يكون عندك عزيمة وإصرار وصبر ورغبه قويه انك عوز تخس .
- لازم تتبع التعليمات بكل دقه في إتباع النظام بتاعنا و أي تفريط منك في أي وجبه هيعمل خلل و مش هينقص وزنك بالطريقة المطلوبة وساعتها أنا مش مسؤل عن إهمالك في نفسك .
- اول اسبوع بيكون تمهيدي وتاني اسبوع بنحدد فيه نوعيه الاكل وثالث اسبوع بيكون قسمين اول ثلاثه ايام بنظام معين واخر ثلاثه ايام بنرجع لنظام الاسبوع الاول وبنسيبك اخر يوم في الاسبوع بتاخده اجازه من الرجيم يعني هتاكل فيه برحتك وبعد نهايه الاسبوع بتوزن نفسك , وبعدها بندخل في الاسبوع الرابع وهكذا الي ان نصل الي الاسبوع الثامن عشر .
تعالوا نعرف أزاي تتم عمليه التخسيس :
شوفوا الجسم بتاعنا له معدل يومي لحرق السعرات الحرارية
وهنا نضرب مثال للتوضيح
هنفرض مثلا إن جسمنا بيحرق في اليوم 1000 سعر حراي ,
طيب لو قمنا أحنا ودخلنا لجسمنا مثلا 1200 سعر يوميا عن طريق الاكل ,
هنا جسمنا زي ما قلنا بيحرق مثلا 1000 سعر حراري طيب كده هيفضل 200 سعر حراري من 1200 يعني في 200 سعر حراري زياده , هنا الجسم مش مستفيد بيهم يقوم يوديهم فين ؟
في الحاله دي بيخزنهم طبعا علي شكل دهون في جسمك لحد ما يجي اليوم اللي يحتاجهم فيه و طبعا دي الطريقه اللي تخلي وزنك يزيد .
طيب عشان نخس نعمل ايه ؟
عشان نخس لازم نعطيه مثلا 700 سعر حراري فقط . وبكده يبقي الجسم لسه محتاج 300 سعر حراري عشان يكمل 1000 صح ؟
طيب زي ما قلنا الجسم لازم يحرق مثلا 1000 سعر حراري في اليوم طيب انت دخلت لجسمك 700 فقط يبقي فاضل 300 سعر حراري ناقصين لجسمك يجيبهم منين ؟
الاجابه
طبعا هيسحب من الدهون اللي متخذنه في جسمك , وبالطريقة دي أجسامنا هتخس تدريجيا ,
وهنا الكلام مش معناه تجويع ولا حاجه لان العبره بنوع الاكل مش بالكميه لانك ممكن تاكل لما تشبع من غير ما يزيد وزنك وممكن تتخن حتي ولو مش بتشبع من الاكل , ازاي يعني ؟
نضرب مثال :
شوفوا , بالنسبه للسعرات الحراريه لو هنقارن مابين كيلو لحمه مثلا و كيلو جزر ,
هنا الكميه متساويه كيلو و كيلو , لكن السعرات الحرايه في كيلو اللحمه اكبر بكتير من اللي في كيلو الجزر , وهو ده مربط الفرس وهو انك تاكل اكلات سعراتها الحراريه منخفضه ومهما اكلت منها مش هيزيد وزنك وفي نفس الوقت انت مش هتحس انك جعان لان معدتك مليانه .
عموما يلا بينا علي بركه الله نبدأ أول أسبوع قم بالضغط علي الرابط التالي .

اضغط هنا وابدأ الرجيم

للعلم المعلومات دي انا قرأتها علي النت وجربتها علي حد أعرفه وجابت نتيجه فقمت بأعاده صياغه للموضوع بطريقتي الخاصه وحفاظا علي مجهود صاحب الطريقه وعدم تضييع حقه هنا رابط االموضوع الاساسي

تمت بحمد الله
هذا الموضوع خاص بمدونة الحبوني , يمكنك نقل أي موضوع من المدونة بشرط ذكر المصدر وذكر رابط الموضوع الأصلي .

0 التعليقات:

ضع أميلك ليصلك كل جديد

المتابعون

الزائرين

View My Stats

  © Blogger template Foam by Ourblogtemplates.com تم تعديل التصميم بواسطة محمد طاهر

إذهب إلي أعلي الصفحة   

سياسة الخصوصية